Contienda Vinyls. Operàjus ocupant a sa turri de su pvc: "Olleus sa beridadi asuba de sa negoziazioni"

(IlMinuto) – Casteddu, 10 de su mes''e fiàrgiu - "Sciolleisì". Est cantu pedint cun d'unu striscioni is tres operàjus chi de ariseru a merì a is 15.00 ant ocupau a sa turri de su pvc de Pòrtu Turre. Is traballadoris ant passau su noti a 60 metrus de artària - e aici ant fattu is collegas insoru de Portu Marghera - po protestai contra a su blocu, o su rallentamentu, de is negoziazionis tra Eni e Gita. Tino Tellini, Marco Ligas e Manuele Manca funt artziaus asuba de sa turri poita - acrarat Tellini de sa turri in d-un'intervista pubblicada in su blog de s'ísula de is cassintegraus - "Sa negoziazioni parrit si siat arenada o est fadendu passus lentus meda, duncas iaus a olli donai una scidada a is istitutzionis poita si movant debressi. Is datas stabbilias funt giai sartadas. Si depint nai sa beridadi asuba de is ésitus de sa negoziazioni".