Lieindeddi is armas: "In Sant'Antiogu radar israelianu po blocai a is isbarcus de is furesteris"

(IlMinuto) – Casteddu 23 de su mes''e fiàrgiu - Doi est puru sa Sardigna, cun s'ísula de Sant'Antiogu, in sa retza de cincu radar israelianus assentaus po contrastai a is isbarcus de is furesteris. Du fai sciri cun d-unu comunicau de imprenta Antonello Tiddia de sa retza "Disarmiamoli". "Puru si su Cumandu generali de sa Guardia de finantza cuat beni beni is logus sceberaus po ponni is cincus radars a microonde - si ligit in su comunicau - tres custas funt bessidas a pillu. E funt Gagliano del Capo (Lecce), Siracusa e s'ísula de Sant'Antiogu in Sardigna". In Sant'Antiogu - afirmat 'Disarmiamoli' - su radar at essi assentau aintru de s'ex istazioni ràdiu militari chi est de sa Regioni.
"Sa sólita colonizatzioni" cummentat Tiddia.