Portovesme srl. "Comitato Carlofotini" e aMpI: "Sindacaus e assessori difendint a sa multinatzionali svizzera"

(IlMinuto) – Casteddu, 24 de su mes''e fiàrgiu - "Is sindacaus e s'assessori a s'Ambienti de sa provìntzia de Crabònia e Igrèsias funt cabaus in campu in difesa de sa multinatzionali svizzera (meri de sa Portovesme srl, ndr), a sa faci de sa saludi de is traballadoris e de cussa de su territóriu". Est cantu denunciant, un'àtera borta, una nota firmada de su "Comitato Carlofortini preoccupati" e de a Manca pro s’Indipendentzia.

"Beneus a sciri de s'imprenta - si ligit in sa nota - ca is sindacaus sindacati Cgil, Cisl, Uil, insultant [...] chini in custas cidas s'est espressau po tenni prus trasparéntzia" e "po tenni prus controllus e cumpudadas a pustis chi duus autocarrus prenus de Cesio 137 chi beniant de sa fàbbrica "Alfa Acciai" de Brescia funt stetius frimmaus pagu primu de scarrigai aintru de sa 'Portovesme srl' su carrigu de morti chi tragànt". Comenti giai nau in is diris passadas, su Cumitau e a Manca pedint chi sa tutela de s'ambienti siat assegurada atressu de controllus púbblicus fattus a totus is muntonàrgius de su territóriu e atressu puru de is controllus de is fumus bogaus de is fumaiolus. S'organizatzioni de sa sinistra indipendentista e su Cumitau puntant su didu puru asuba de sa Giunta provintziali. "Si lassant a buca oberta - precisant aMpI e su Cumitau - is fueddus de s'assessori a s'Ambienti Cicciloni (Pd) chi si prexat cun sa 'Portovesme srl' e chi iat a bolli allargai puru su sistema de controllu de custa sociedadi a àteras aziendhas a testimonia chi su colonialismu in Sardigna no tenit caboris".