Rossomori: "No a militarizatzioni de su territóriu e abbolitzioni de is prus piticus"

(IlMinuto) - Casteddu, 9 de su mes''e fiàrgiu - No si podit arrespundi a is atus de ameletzu patius de is amministradoris de su territóriu in is últimus mesis cun sa militarizatzioni de su logu e cun s'abbolitzioni de is tribbunalis prus piticus. Ddu narat cun d-una nota Claudia Zuncheddu, consilleri regionali e presidenti de is Rossomori. "A sa luxi de cantu est acontéssiu a diversus amministradoris sardus me is últimus tempus - acrarat Zuncheddu - s''Afortiamentu de is presídius de seguresa in totu s'ísula a pustis de is atentaus a is amministradoris de su territóriu in Sardigna' argumentu de su Presidenti Cappellacci no torrat paris cun s'arriscu grai de s'abbolitzioni de is tribbunalis prus piticus chi lotant dógnia diri contra a is mandadoris e a is esecutoris de custus atus". Zuncheddu cundennat puru a s'autori anónimu de sa lítera de ameletzu arricia lùnis de su Presidenti de sa Regioni. "Cappellacci - scririt sa sardista de sinistra - iat essi su destinatàriu de una lítera amaletzosa de parti de disconnotus po mori de is dichiaras chi at fattu de pagu e chi ammostant sa boluntadi de aumentai sa preséntzia militari in is areas de sa Sardigna aundi is síndhigus e amministradoris de su logu funt stetius vitimas de pagu de atus de ameletzu. A fac''e un'atu de vilesa e de angaria [...] no podeus no dimustrai sa cundenna prus manna".