"Seu innocenti". Presonera nigeriana cicat de si ndi liai sa vida po torrai in cella

(IlMinuto) – Casteddu, 10 de su mes''e fiàrgiu - Prosper Nwachukwu, sa fémina nigeriana de 25 annus cundennada a ses annus de presoni po tràficu e possessu de droga e chi si proclamat innocenti, at cicau de si ndi liai sa vida a faci 'e sa prospetiva de torrai in presoni. Ddu narat cun d-una nota Maria Grazia Caligaris de s'Assótziu Socialismo Diritti e Riforme, chi de mesis sighit de acanta a s'acuntéssia "Prosper". Su tentativu de suicidiu, su segundhu in pagus mesis, est stetiu fattu de sa picioca candu at scipiu chi si nd'iat essi depia andai de sa comunidadi "Il Samaritano" de Arborea, aundi s'agatàt. In custu momentu sa fémina est ricoverada in su repartu Psichiatria de un'ispidali de Casteddu. "Sa fémina - ammentat Caligaris - est scontendi una cundenna a 6 mesis de presonia po tràficu e possessu de droga, nonostanti su connatzionali chi furiat cun cussa in su momentu de s'arrestu nd'iat declarau s' innocéntzia sua a faci 'e a is giugis. Su fattu nou e grai chi est acontéssiu a Prosper cunfirmat chi sa fémina est assolutameti incompatìbili cun sa presonia".