Uddusò bullat a sa centrali Agripower. Cumpostu (Sni): “Frimmada sa lobby de s’incinixadori”

(IlMinuto) – Casteddu, 22 de su mes''e fiàrgiu - Uddusò narat no a Agripower. Domínigu passau, cun su 97 po centu de is votus cuntràrius e un'acudimentu a is urnas de su 60.7 po centu, sa genti de sa bidda in provìntzia de Terranòa-Tèmpiu ant sbarrau s'istrada a su progetu de una centrali elétrica a bomasse. "Sa soverania popolari - cummentat su cordinadori natzionali de Sni Bustianu Cumpostu - frimmat a sa lobby políticu-interessosa chi boliat papai asuba de un'energia rennovàbili finta chi nascit de un'incinixadori mascherau de termovalorizatori". Po Sardigna Natzione "su torracontu económicu de is centralis a biomasse est fillu scéti de is cuntribbutus mannus previdius de su Cip6 po is energias rennovàbilis". "Sni - concluit Cumpostu - at a acastiai a sa cosa e at essi pronta a si mobilitai po tutelai a sa boluntadi popolari e po impediri chi papagonis e is onorevoleddus de sa política mandint ainnantis custu progetu foras de contu".