150 annus de Itàlia: "Po is sardus su 17 de su mes''e martzu no est una diri de festa"

(IlMinuto) – Casteddu, 18 de su mes''e martzu – "Sa Sardigna no est storicamenti Itàlia. Su stadu italianu no s'at traigiu, ma sighit a s'imponni su dominiu coloniali suu". Aici Claudia Zuncheddu, consilleri regionali, si ndi stresiat de is celebratzionis po is 150 annus de sa nàscida de su stadu italianu. Ariseru sa rapresentanti indipendentista no at participau a sa setziada pomposta de s'assembrea regionali, ma at manifestau asuta de is pórcius de bia Roma cun Sardigna Natzione. "Est arribbau tempus - concluit Zuncheddu - chi is sardus si ndi torrint a pigai e torrint a gestiri is risorsas insoru […] cumentzendi cun custu unu camminu natzionali paxiosu e democràticu po sa costrutzioni de s'indipendentzia natzionali nostra. Su 150° anniversàriu de s'Unidadi de Itàlia no podit essi po nos sardus una diri de festa.