Ambienti. Enne (Pdci): "S'Ogiastra no tenit bisóngiu de centralis a biomassas"

(IlMinuto) – Casteddu, 31 de su mes''e martzu - Su Pdci narat de nono a su fàbbricu de sa centrali a biomassas in su tretu de s'ex Cartiera de Arbatassa. "No si podit pensai de resòlviri is chistionis de s'Ogiastra - cummentat su cordinadori Pdci-Fds po s'Ogiastra Giovanni Enne - ponendi in su territóriu nostru una centrali de custu tipu. Custu tipu de centralis eletricas, chi ant a andai a abbruxai calisisiat materiali [...], faint cinixu meda, ludus e aremus difícilis de dissipai e chi arregalant a s'aria cantidadis mannas de sustàntzias chi dd'impestant". Ita serbit invecis a s'Ogiastra po su "Partito dei Comunisti italiani?" "Teneus bisóngiu - precisat Enne - de is collegamentus po is istradas, de un'aereoportu e de unu portu chi funzionint po atirai investimentus e turismu, teneus bisóngiu de cursus de imparu specialisticu po is operàjus e po is operadoris turisticus, no de centralis a biomasse. Su tempus benidori de s'energia funt s'eolicu, su fotovoltaicu, s'energia de su sobi [...]. Cumbidaus a is citadinus a si movi contra a su progetu biomassas in Arbatassa e ddus cumbidaus a andai a votai eja a su referendum contra a su nucleari de su 15 de su mes''e maju e cussu de su 12 de su mes''e làmpadas de su 2011".