Anfiteatru romanu. Palomba (Idv): "Tocat a ndi liai debressi a s'ammantadura abbusivu"

(IlMinuto) – Casteddu, 9 de su mes''e martzu - Torrai a sa legalidadi liendindi debressi a s'istrutura de linna "oramai Abbusiva" chi ammantat a s'Anfiteatru romanu de Casteddu. Est cantu pedit cun d-unu comunicau de imprenta su parlamentari de s'"Italia dei Valori" Federico Palomba. Su rapresentanti de su partidu de Antonio Di Pietro at presentau puru un'interrogatzioni parlamentari asuba de su tema, denunciendi a "su degradu de su monumentu de épuca romana ocupau de su 2000 de un'aparitzamentu in linna". "Po cali motivus - precisat s'interrogatzioni - su Ministru po is Benis e is Atividadis Culturalis, su Diretori regionali po is benis culturalis e su paisagiu po sa Sardigna e is Sopraintendentis cumpetentis sighint a permiti is ispetàculus acotzaus puru cun dinai púbblicu in d-un'istrutura oramai senz''e is tìtulus de lei necessàrius?".