"Contra de mei una campagna de sfamamentu". Zuncheddu cuerelat "unus cantu rapredesentantis" de is Rossomori

(IlMinuto) – Casteddu, 16 de su mes''e martzu - "A amparu de sa màgini morali mia, política e professionali, mi biu custrinta a presentai cuerela in cunfrontus de unus cantu de rapresentantis de s'ex partidu miu, is Rossomori". Cun custus fueddus sa consillera regionali indipendentista Claudia Zuncheddu annunciat sa decisioni de fai dinúntzia po frimmai cussa chi lamat "campagna castigadora de sfamamentu". "Campagna de sfamamentu - acrarat Zuncheddu - bogada in is cunfrontus mius po is sceberus políticus chi m'ant portau a lassai cussu movimentu, chi deu etotu apu agiudau a fundai e a rapresentai comenti presidenti e consillera regionali". "Sa 'campagna castigadora' in is cunfrontus mius - precisat s'ex rapresentanti de is Rossomori - furiat bessia a pillu a pustis de is preguntas chi apu fattu, prus de una borta, asuba de sa ghia política e económica de su partidu. Sa 'Trasparéntzia', puru in is bilàncius económicus, no est scéti cumandada de sa lei, ma esti unu valori de fundamentu".