Eletzionis comunalis in Terranòa. Prc-Pdci-Rossomori: "Fabbricaus un'alleàntzia tra sinistra e indipendentistas

(IlMinuto) – Casteddu, 18 de su mes''e martzu – Fabbricai in Terranòa un'alleàntzia bera tra sinistra unia e is fortzas indipendentistas. Est custa sa proposta chi is segretàrius regionalis de su Prc e de su Pdci, Laura Stochino e Alessandro Corona, e is segretàrius natzionali de is Rossomori, Gesuino Muledda, faint a is fortzas de sa sinistra e a cussas indipendentistas po is eletzioni comunalis de su mes''e maju. "Est oramai seguru - scrirint is tres segretàrius - chi una parti de su centru sinistra at serrau in Terranòa s'acórdiu po acotzai a sa candidadura de su síndhigu de su centru destra Gianni Giovannelli chi est spacendi s'incàrrigu, impari a Fli e a àtera fortzas de destra, e faint custu fringhendusindi de s'arrialia nostra". "No podit esisti - acrarant Stochino, Corona e Muledda - una destra bona e una destra maba, esistit scéti una destra asugetada a Berlusconi e incapassa de donai arrespustas cuncretas a is chistionis de sa Sardigna e de is Sardus". "Torraus a fai s'apellu - concluint - a is fortzas de sa sinistra sarda bera, a is movimentus indipendentistas e a totus cussus chi bolint s'interessu de sa citadi".