"Fadeus unu cordoni inidipendentista", s'adesioni de aMpI a sa manifestada contra a su nucleari

(IlMinuto) – Casteddu, 23 de su mes''e martzu - Puru sa manca indipendentista aderit a sa manifestada contra a su nucleari lamada de su Cumitau Sinonucle po su 26 de su mes''e martzu in Casteddu. A Manca pro s'Indipendentzia proponit a is àteras fortzas políticas indipendentistas de formai "un'únicu cordoni indipendentista po donai unu sinnabi craru de solidesa e convergéntzia asuba de su tema de sa soverania política e energética de sa natzioni sarda". "Scideus beni meda - si ligit in d-una nota - chi sa decisioni de impiantai a is centralis nuclearis i/o is depósitus de aremus radiuativus in su territóriu natzionali nostru at a podi essi frimmada scéti fadendi praticai de fatu e de diritu a su pópulu sardu sa soverania e s'autoguvernu". Sa manifestada - chi previdit cumìzius e unu cuncertu - at a cumentzai a is 15.00 de pratza Giovanni XXIII cun d-unu corteu chi at a atravessai a su centru de Casteddu po lompi in pratza Garibaldi.