Nucleari. “Bullai a s’àtomu po nai eja a s’enegia pulia”, s’adesioni de s’Usb a sa manifestada de su 26 de su mes”e martzu

(IlMinuto) – Casteddu, 25 de su mes''e martzu – "Nai de nono a su nucleari est puru unu modu de nai de eja a is fontis de energia rennovàbilis, a s'energia pulia". Cun custus fueddus su sindacau de basi Usb Sardigna addirit a sa manifestada contra a su nucleari in programma po cras in Casteddu, manifestada nàscia abetendi a su referendum consultivu de su 15 de su mes''e maju e de cussu abrogativu de su 12 de su mes''e làmpadas. "Si s'Itàlia - precisat su comunicau - at a decídiri de puntai asuba de su nucleari, po is risorsas mannas, necessàrias po acotzai a custa abbentura, iat a lassai dógnia tipu de investimentu po s'isvilupu de is energias rennovàbilis". Sa manifestada at a tucai de pratza Giovanni XXIII a is 15.00 po acabbai in pratza Garibaldi cun cumìtzius e concertu "no nuke".