Referendum nucleari, aMpI: "A is partidus italianus no ddis importat de sa bitória de su 'SI'"

(IlMinuto) – Casteddu, 4 de su mes''e martzu - "A is partidus italianus, a cumentzai de is partidus de 'sinistra' e de cussus 'ambientalistas' no ddis inmportat un'arrabiu chi in su referendum passit su 'SI' e difatis no si funt moventi po nudda si nou cun dichiaras incertas e cun s'impignu de calincuni militanti e de sa genti voluntariosa chi funt scéti s'ecetzioni chi cunfirmat sa regula". Est cantu afirmat cun d-una nota de imprenta su diretivu políticu natzionali de a Manca pro s'Indipendentzia abetendi a su referendum regionali asuba de su nucleari de su 15 de su mes''e maju. "Gei de su cumintzu de sa campagna - narat aMpI - eus afirmau a dolu mannu chi scéti is indipendentistas s'iant essi impignaus po sa bitória de su 'SI'. Oramai is partidus italianus in Sardigna [...] funt interamenti incapassus de espressai progetus e anàlisi políticas originalis e autónomas e funt totugantu acordaus a is segreterias romanas".