Referendum nucleari, aMpI: "Sa Sardigna no tenit bisóngiu de centralis, ma de unu pranu energeticu". Cras assembrea in Piàghe

(Minuto) – Casteddu, 11 de su mes''e martzu - "Sa Sardigna esportat energia elétrica, a su pópulu sardu no serbint àteras centralis, ma prusprestu unu pranu energeticu natzionali sardu po gestiri mellus a sa produtzioni e a sa distributzioni de s'energia e ddi serbit a fincai asuba de is rinnovabilis, prusatotu a fincai in s'energia de su sobi e asuba puru de su rispàrmiu energeticu". Cun custus fueddus a Manca pro s’Indipendentzia sighit a fai sa campagna contra a su nucleari in Ísula abetendi su referemdum de su 15 de su mes''e maju. Cras s'organizatzioni de sa sinistra indipendentista at essi in Piàghe (18.00, Centru sociali de bia Pietro Salis) po trisinai a sa comunidadi de sa biddixedda in provìntzia de Tàtari "in sa batalla contra a su nucleari in Sardigna", "Sa terra sarda - si ligit in d-una nota - est de is sardus e no est de is colonialistas chi dd'ant ocupant".