Sa Sardigna cabat in pratza contra a su nucleari. Manifestada in Casteddu su 26 de su mes”e martzu

(IlMinuto) – Casteddu, 18 de su mes''e martzu – "Is sardus depint donai unu signali de solidariedadi craru abbia de sa popolatzioni giaponesa, chi arriscat impestaduras nuclearis grais, e depit fai biri s'arrialia sua a su nucleari in Sardigna e in su mundu". Est custu su pensu chi at fattu promovi a su Cumitau Sinonucle una manifestada, po sàbudu 26 de su mes''e martzu, contra a su nucleari in Casteddu. "Sa situatzioni grai chi est bivendi su Giaponi po mori de is centralis nuclearis - si ligit in d-una nota - no amaletzat scéti a sa genti de su logu, ma puru a una fita manna de sa popolatzioni mundilai". Sa manifestada, a acotzu de su referendum consultivu regionali de su 15 de su mes''e maju e de cussu abrogativu de su 12 de su mes''e làmpadas, at a cumetzai a is 15.00 in pratza Giovanni XXIII e s'at a serrai in pratza Garibaldi cun d-unu concertu. Puru is bicicretas ant a cabai in istrada po nai de no a s'àtomu. "Città ciclabile at aprontau po domínigu 20 de su mes''e martzu una pedalada antinucleari cun tucada a is 10.00 de pratza Giovanni XXVIII, puru custa pedalada s'at a tenni in Casteddu.