Su Pdl denuciat a Ferrando: "Bolit fai comenti in Tunisia e Egitu". Cras sit in de Pcl in Tàtari

(IlMinuto) – Casteddu, 17 de su mes''e martzu - "No s'eus a lassai assustai". Est cun custus fueddus chi su "Partito comunista dei lavoratori" de Utieri at aprontau po cras, a is 10.30, unu sit in a fac''e su Tribbunali de bia Roma, in Tàtari, po protestai "contra a is amaletzus de su Pdl". Custus is fattus: "Is capus mannus de su Pdl piemontesu, Ghigo e Ghglia - si ligit in d-una nota de imprenta - ant presentau una dinúntzia a sa magistradura contra a su partidu nostru e contra a sa boxi sua, Marco Ferrando, po sa campagna 'Fai in Itàlia comenti in Tunisia e in Egitu'". "Custu a prova - narat su Pcl - ca eus centrau su corpu. Scéti una furriada popolari nci podit bogai a custu guvernu de corrùmpius. I est própriu custu chi oi timit meda su guvernu Berlusconi".