Tuvixeddu-Tuvumannu. Legambiente: "De su Consillu de Stadu stop a is meris de su ciumentu"

(IlMinuto) – Casteddu, 7 de su mes''e martzu - "Unu passu de importu mannu po fai su 'Parcu Archeológicu-Paisagisticu Tuvixeddu-Tuvumannu'". Aici Legambiente Sardigna definit a sa senténtzia noa de su Consillu de Stadu in faori de sa tutela de totu s'area. De su consillu de Stadu arribbat unu corpu forti a su Comunu de Casteddu e a Comipresa, chi iant dimandhau "s'annullamentu de s'aprou de su Pranu Paisagisticu Regionali" bófiu de sa Giunta Soru. Po sa senténtzia tocat evitai chi "fàbbricus nous no fetzant àterus dannus in su contestu amparau". "S'isperat - scrit Legambiente - chi custu determinu bengat pigau in cunsidériu de cussus chi a su derruimentu bolint arrespundi cun su ciumentu".