“Abbombiant po furai is risorsas a is pópulus”, cras in Casteddu contra a sa gherra

(IlMinuto) – Casteddu, 1 de su mes''e arbili - "Serbia, Afghanistan, Iraq e immoi sa Libia. Un'àtera borta in nòmini de s'amparu de is diritus umanus, de sa seguresa e de sa paxi, s'abbombiant popolatzionis senz''e armas". Cun custus fueddus su Cumitau contra a sa Gherra 29 martzu '11 addirit a s'apellu de Gino Strada (Emergency) e abisat po cras in Casteddu (17.00, pratza Garibaldi) unu corteu contra a s'atzioni militari de sa Nato. "Un'àtera borta - precisat su Cumitau - narant fabas e tramperias po giustificai a s'impitu de sa fortza contra a is pópulus po ddis furai is risorsas [...], aici asuta de is bómbias ant a morri puru is idealis chi ant portau a giòvanus medas de is Stadus Arabus in pratza". In Sardigna su movimentu contra a sa gherra cabat in pratza puru contra una tzerachia militari senz''e fini: su radar de Capo Sperone, a Santu Antiogu. "Pedeus - acrarat su Cumitau - a sa Regioni Sardigna e a is comunus interessaus de blocai debressi a is traballus po prantai a su radas".