“Agoa no si torrat. Prontus a unu referendum nou”, Cumpostu (Sni) narat de nono a basi de Sa Madalena

(IlMinuto) – Casteddu, 6 de su mes''e arbili – Is indipendentistas de Sni funt prontus a arregolli is firmas po unu referendum chi nerat de nono a sa torrada de una basi militari "americana o de sa Nato" in Sa Madelana. Ddu fait sciri cun d-una nota su cordinadori natzionali de su partidu Bustianu Cumpostu. "De scedas giornalisticas credìbilis - scririt Cumpostu - parrit chi Sa Madalena depat torrai asuta de s'àxiu de sa tzerachia militari e si depat biri un'àtera borta segais is cambas po mori de sa militarizatzioni e chi depat biri ancora fatta a arrogus sa vocatzioni turistica e ambientali sua, po arrui in sa tzerachia-cativériu de sa dipendhéntzia de una basi americana o Nato". "Agoa no si torrat", precisat su cordinadori de Sni. "Eus a dimandhai a is sardus - precisat Cumpostu - de s'espressai cun d-unu referendum consultivu, eus a impitai s'únicu poteri chi su stadu italianu at lassau a sa genti niostra".