Ecunumia: de sa Regioni prus risorsas po su Fundu contr'a s'usura

(IlMinuto) – Casteddu, 18 de su mes'e arbili - Cumentzat s'ammanniamentu de su Fundu contr'a s'usura in faori de is impresas medias e de is impresixeddas. Cun d-una delíbbera sa Giunta regionali at aprovau unu "finantziamentu a is Cunsórtzius de obertura de créditu po aumentai su fundu chi su Stadu at istituiu própriu po frimmai su fenómenu de s'usura". "Atressu de su Fundu contr'a s'usura - at acrarau s'assessori regionali de s'Industria  Oscar Cherchi - su Stadu e sa Regioni donant a is Cunsórtzius de obertura de créditu [...] cuntribbutus po donai fiantzas a chini tenit arragus po mori de s'auséntzia de dinai [...], est nai po totus cussus chi funt a 'arriscu de usura'".