Eletzionis comunalis in Casteddu: cenàbara dibata "senz''e coladoris" tra Fantola, Zedda, Zuncheddu e Artizzu

11 Arbili 2011
Image
elezioni-comunali-2011.jpg


(IlMinuto) – Casteddu, 11 de su mes''e arbili - Massimo Fantola, Massimo Zedda, Claudia Zuncheddu e Ignazio Artizzu: cenàbara 15 de su mes''e arbili, a unu mesi giustu giustu de is eletzionis comunalis, cuatru de is noi sindhígus possíbbili de Casteddu s'ant cunfrontai in d-una dibata cun "dimandhas senz''e coladoris e senz''e mediatzioni fattas de sa genti de su púbblicu a donniunu de is candidaus chi ant essi ingunis". S'apuntamentu - in programma in su T Hotel de Casteddu de is 15.00 a is 18.00 - est aprontau de su "Coordinamento Nazionale Giovani Imprenditori-Confesercenti" de sa Pròvintzia de Casteddu, cun s'agiudu de àterus assótzius de categoria e de su terzu setori. Obbietivu de sa dibata - si ligit in d-una nota - est "permiti a is giòvanus, imprendidoris e rapresentantis de sa sociedadi civili de si cunfrontai  asuba de is tamas prus importantis de s'atualidadi política de sa citadi, cun cussu chi at essi su sindhígu benienti de Casteddu".



© RIPRODUZIONE RISERVATA