Eletzionis comunalis in Casteddu: sa Fds presentat sa lista e su programma

(IlMinuto) – Casteddu, 20 de su mes'e arbili - Sa Federatzioni de sa Sinistra presentat is propostas suas abetenti a is eletzionis de su 15 e de su 16 de su mes'e maju, de sa citadi de Casteddu. Su programma de is candidaus de sa Fds ant essi ammostaus cenàbara chi benit a is 18.30 in d-un'assembrea púbblica in sa sedi de su Círculu Gramsci, in bia Doberdò 101/103. A s'assembrea ant a participai su candidau a síndhigu Massimo Zedda, sa segretària regionali de su partidu de sa "Rifondazione Comunista" Laura Stochino e su capolista Gianni Fresu, istudiosu universitàriu i ex segretàriu regionali. Tra is candidaus de sa Fds puru Matteo Murgia (assótziu Don Chisciotte), Pietro Cruccas (assótziu Città Ciclabile), Enrico Lobina - segretàriu de su Círculu Togliatti e giai consilleri de su Prc in sa circoscritzioni n.4 - e s'ex parlamentari de su Pdci Elias Vacca.