Referendum nucleari: aMpI cras in Tàtari po acrarai is arrexonis po nai de EJA

(IlMinuto) – Casteddu, 4 de su mes''e arbili - "Impediri a su stadu italianu de impiantai centralis o depósitus de aremus in sa terra nostra e portai su pópulu sardu a fai un'atzioni colletiva e unia asuba de cust'argumentu". Est custu s'obbietivu de sa campagna "No a su nucleare, eja a sa sòberania", chi a Manca pro s’Indipendentzia madat ainnantis de pagu prus de un'annu abetendi a su referendum de su 15 de su mes''e maju. Cras a merì sa campagna de aMpI arribbat in Tàtari, cun d-un'assembrea in programma po cras 5 de su mes''e arbili a is 16.30 in is aposentus de sa Circoscritzioni n°2, in bia Poligono 2 (Palestra Luca Simula), a su costau de s'Istàdiu de is Pinus. A s'assembrea ant a fueddai rapresentantis de su Diretivu natzionali de aMpI e "espertus de física nucleari e de energia chi - si ligit in d-una nota de imprenta - ant a acrai is arrexonis ténnicas chi depint fai votai de eja a totu su pópulu ainsu referendum de su 15 de su mes''e maju".