Sa Sardigna cabat in pratza contr'a Equitalia. Puru su Mps in pratza cun Irs

(IlMinuto) – Casteddu, 12 de su mes''e arbili - "Frimmaus a Equiltalia e pigausindi torra su tempus benidori nostru". Est custu su slogan de sa manifestada aprontada de Irs po su 14 de su mes''e arbili. Gióbia a mangianu unu giuali de màchinas at a atravessai sa Sardigna tuchendi de Tàtari po arribbai a is 11.30 in Casteddu e agoa protestai cun d-unu sit in pratza "Donatori del Sangue", a fac''e sa sedi de Equiltalia. Su movimentu indipendentista acusat a s'enti de truncai sa schina a milli e prus de milli impresas sardas "po mori de unu sistema de coberantza foras de contu", chi su prus de is bias arribbat a s'imprendamentu de is màchinas, a sa scicuta de is créditus (unu cuintu de su stipendiu o de sa pensioni o de is contus bancàrius) e de is immòbilis. "Equitalia Spa - precisat Irs - est una Sociedadi po Atzionis cullegada a grupus bancàrius [...] e persighit, asuba de sa coberàntza de is pagamentas, iscopus de guadàngiu". A sa manifestada ddoi at essi puru su Mps.