Anfiteatru romanu de Casteddu: 28 volonteris po smuntai su "linnàrgiu"

(IlMinuto) – Casteddu, 2 de su mes''e maju - Sa scuadra "contr'a su linnàrgiu" est pronta: funt 28 is volonteris chi ant aderiu a s'apellu promòviu de su "Gruppo di intervento Giuridico" e de is "Amici della Terra", oferrendi 10 oras tempus po smuntai s'istrutura in linna chi de casi 10 annus ammantat a s'Anfiteatru romanu de Casteddu. "280 oras de traballu a gratis - si ligit in d-una nota pubblicada in su blog de su Gig - chi podint cuncùrriri a abbatiri is costus de sa manorberia po ndi liai a su rivestimentu de linna (po su prus pudriau) e a is tubus chi ammantant su monumentu romanu prus importanti de sa Sardigna".