Apuntamentus: Santu Tiadòru e sa Gallùra ti concuistant cun "S'Agliòla 2011"

(IlMinuto) – Casteddu, 20 de su mes'e maju - S'eventu enogastronomicu chi incoronat comenti reina sua "S'Agliòla" s'at a tenni in Santu Tiadòru de su 22 a su 26 de su mes'e làmpadas. S'apuntamentu est aprontau de su comunu de sa Sardigna de Tramuntana, cun s'agiudu de su Consortziu Turisticu de su logu e de is diversus assótzius de su logu. In is diris de festa de s'editzioni de su 2011 s'ant a tenni diversas manifestadas, tra custas unu "Tour de is saboris", unus cantu de scampirradas ghiadas, de mesu giornada, in sa laguna de Santu Tiadòru e in Monti Nieddu, abbinadas a is atastus de is prodotus de su logu. "Is menù de su gustu", aundi restorantis, agriturismus e localis chi donat sa própriu adesioni ant a propòniri unus cantu de menù a tema, totus fattus cun is prodotus de sa provìntzia de Terranòa-Tèmpiu e de sa Sardigna. Ma no est totu, ddoi ant essi puru is "Festas in pratza", cun eventus chi, a cumentzai de su 22 de su mes'e maju, ant a oberri e ant a serrai "S'Agliòla".