Eletzionis comunalis in Casteddu. Giuntini (lista Zuncheddu): "Mai cun sa dereta"

(IlMinuto) - Casteddu, 26 de su mes'e maju - "Arremacenciendi is dichiaras de Claudia Zuncheddu 'nos indipendentistas, mai cun sa dereta', afirmaus ca s'eletorau nostru est fattu de genti líbera chi s'at espressai cun sa participatzioni a su votu pedendi un'impignu asuba de unus cantu puntus". Cun custus fueddus Antonello Giuntini, delegau de sa lista cívica "cun Claudia Zuncheddu", pigat positzioni asuba de su ballotagiu tra Massimo Zedda e Massimo Fantola po su segundhu turnu de is eletzionis comunalis de Casteddu. "Nos arremaciaus - precisat Giuntini - ca su programma eletorali e su progetu políticu de s'alleàntzia indipendentista abarrant unu sceberu a is blocus italianus, puru si est craru chi is politicas de sa dereta de centru funt aumentendi senz'e torrada sa cunditzioni de dipendhéntzia de sa Sardigna, contr'a sa cali lotaus comenti indipendentistas, progressistas, ambientalistas".