Mediterràneu: sa manca aticapitalista s’atobiat in Marsiglia. Sardigna presenti cun d-una delegatzioni de aMpI

4 Maju 2011
Image
incontro_Marsiglia_aMpI.jpg


(IlMinuto) – Casteddu, 4 de su mes'e maju - Marocu, Algeria, Egitu, Palestina, Libanu, Iraq, Turchia, Cipru 'e Tramuntana, Francia, Grecia, Itàlia, Spagna, Catalogna, Portogallu, Córsica e Sardigna: ant essi custas is rapresentàntzias a su primu atóbiu de sa Manca anticapitalista de su Mediterràneu aprontau de Su partidu Nou anticapitalista (Npa) in Marsiglia po su 7 e s'8 de su mes'e maju. "In d-unu contestu aundi is rivolutzionis de su Meridioni de su Mediterràneu ant ammostau s'abbiléntzia de is personis de furriai sa preneta insoru, s'iscopu de cust'atóbiu - si ligit in d-una nota fatta connosci de s'Npa - est cussu de permítiri a is diversas organizatzionis de si connosci mellus, de afortiai is allióngius insoru e de promovi impari campagnas internatzionalis". Sa Sardigna at a participai a s'atóbiu cun d-una delegatzioni de a Manca pro s’Indipendentzia chi - impari cun a Manca cossa - at a presentai unu documentu cun d-una fibera de propostas de lota po is pópulus de su Mediterràneu. Su scritu proponit - tra is diversus puntus - "s'arreconnoscimentu de su diritu a sa mancebatzioni de is pópulus de is últimas colónias de is istadus dominadoris de su Mediterràneu (Catalogna, Sardigna, Córsica, Cabilia)", sa "smilitarizatzioni senz'e cunditzionis de sa Sardigna e de sa Córsica e sa serradura de is basis militaris de su stadu francesu e de cussu italianu", sa scridura de unu pranu de is diritus de is traballadoris e sa costitutzioni de un'assembrea de is pópulus de su Mediterràneu.

Po s'Itàlia at essi presenti a s'atóbiu cun d-una delegatzioni de sinistra Critica.



© RIPRODUZIONE RISERVATA