Militarizatzioni. ProgReS Tàtari: "Nono a su radar in s'Argentiera

(IlMinuto) – Casteddu, 19 de su mes'e maju - "Seus a su costau de is citadinus chi cun mèdius paxiosus manifestant su disacórdiu insoru a su cumprimentu de su sistema nou de radar. Ancora una borta su pópulu sardu iat a depi patiri unu determinu senz'e essi stetiu interpellau, unu determinu asuba de su territóriu suu, sa saludiu sua, e su tempus benidori suu". Cun custus fueddus ProgReS narat de nono a su fàbbricu de su radar in s'Argentiera, in su territóriu de su comunu de Tàtari. "Est craru - scririt s'organizatzioni indipendentista - ca su fàbbricu militari, puru si est un'istrutura minori si cunfrontada a is prus mannas, est a nai a is basis o a su poligonu interforze, no tenit nisciunu profetu púbblicu [...] i est dannosu po sa saludi púbblica e po s'ambienti".