In Nuragus s'incoronat a su binu

(IlMinuto) – Casteddu, 17 de su mes'e maju - S'at a tenni in Nuragus, tra su 21 e su 22 de su mes'e maju, sa primu rassegna natzionali de su binu Nuragus, una manifestada aprontada de su comunu cun s'agiudu de sa Provìntzia, de sa Regioni, de sa Comunidadi Montana e de su Cunsórtziu Sa Perda Iddocca. S'eventu tenit comenti protagonistas puru sa Proloco de Nuragus e sa genti de sa bidda. A sa rassegna ant a participai, is cantinas chi faint custu binu eddoi ant essi puru unus cantu tra i prus importantis restorantis de s'Ísula. S'eventu at essi obertu sàbudu 21 de unu cunvegnu scientíficu chi at a chistionai de sa cunditzioni de is bíngias e de su tempus benidori de su binu po sa calidadi e po su marketing. A sighiri, ddoi at essi sa pratza a aghilliri sa Festa de is Tallarinus e de su Nuragus. Su coru de sa manifestada perou, at essi domínigu, diri chi at biri obertas is ennas de is domus campidanesas de sa bidda, in donniuna de custas ddoi at essi unu restoranti acrobau a una cantina chi at a propòniri a sa genti unu pratu ispeciali acumpangiau de su rei beru de sa festa: su binu Nuragus