Radar de Capo Sperone: su Gig fait recursu a sa Cummissioni europea

(IlMinuto) – Casteddu, 20 de su mes'e maju – Sa mobilitada contr'a su radar in Capo Sperone trisinat puru a s'europa. Is organizazionis ambientalistas "Gruppo di intervento giuridico" e "Amici della Terra" ant difatis mandau a sa Cummissioni europea (e puru a is àteras amministratzionis trisinadas) unu recursu contr'a su fàbbricu de s'istrutura in Su Semaforu, in su territóriu de Santu Antiogu. Su radar - cun aparatus de 36 metrus de artesa, arrepranus de bieroni e cabinas - iat a depi nàsci in d-un'area amparada de avincu paisagisticu. "Àterus progetus de radar bófius de sa Guardia de Finantza, - narat su Gig - bessint a pillu in sa costera de Capo Pecora (Frùmini Mayori), Tinnias (Tresnuraghes), de Istintinu, de s'Argentiera (Tàtari). Ita est una pidémia?"