Referendum: apuntamentus contr'a su nucleari in S'Alighera, Tàtari, Nùgoro, Crabònia, Tèmpiu e Tortuelie

(IlMinuto) – Casteddu, 6 de su mes'e maju - A pagu prus de una cida de su referendum de su 15 e de su 16 de su mes'e maju est sèmpiri prus arricu su càlendariu de is apuntamentus contr'a a su fàbbricu de centralis nuclearis e depósitus de aremus radioativus in Sardigna. "Mellus un'ou oi ca una centrali cras. Un'ou contr'a su nucleari" est su títulu de s'apuntamentu programmau po cras de su Pdci- Fds in Casteddu, Tàtari, Nùgoro, Tèmpiu e Tortuelie. "Materiali po acotzai a sa campagna referendaria contr'a su nucleari e po cumbidaia is sardus a votai EJA a su referendum de su 15-16 de su mes'e maju de su 2011 e in prus - acrarant is aprontadoris a is citadinus ant essi donaus ous friscus, comenti símbulu de genuinidadi e de "energia limpia". Apuntamentu "no nuke" importanti puru in S'Alighera, aundi su Cantieri sociali "l'Alguer" aprontat po cras unu dibbàtidu (19.00, Asilu Sella) asuba de su referendum sardu contr'a su nucleari (15 e 16 de su mes'e maju) e asuba de is referendum abrogativus contr'a sa privatizatzioni de s'àcua (12 e 13 de su mes' làmpadas). Ant a participai Nicola Culeddu "Comitau 'Sinonucle') e Antonio Canu (Comitau '2 SI per l’Acqua Bene Comune').