"S'inauguratzioni de sa pratza de su Parcu de sa Música est un'eventu eletorali" sa dinúntzia de is "Amigus de su Teatru Líricu"

(IlMinuto) – Casteddu, 3 de su mes'e maju - "Una pigada po colu". Aici Luca Murgia - de su grupu Facebook "Amici del Teatro lirico di Cagliari" - definit in d-una nota s'inauguratzioni, cun d-unu concertu, de sa pratza de su Parcu de sa Música annuntziada po sàbudu 7 de su mes'e maju.

"Cussa diri - precisat Murgia - ant a benni pagaus cun d-una paga fissa de 250 eurus is maistus de Orchestra e is artistas de su Cuncordu chi s'ant a ammostai po custu 'eventu eletorali'. Si dimandhaus chini a cumentzai de s'8 de su mes'e maju at a oberri sa pratza, chini dd'at a gestiri, cali at essi s'àteru apuntamentu de cultura in sa pratza e in totu su parcu". "A pustis de annus meda de istrobbus - si ligit in sa nota - is citadinus de su bixinau Fonsarda-San Benedetto e is casteddaius totus no si minescint custa pigada po culu".