Zuncheddu (Indipendentistas): "No a is radar militaris"

(IlMinuto) – Casteddu, 17 de su mes'e maju - Puru Claudia Zuncheddu cabat in campu contr'a su fàbbricu de is radar "Contr'a is furesteris" in is comunus de Santu Antiogu, Frùmini Mayori, Tresnuraghes e Tàtari. "Sa genti de is costeras ocidentalis sarda, cun d-una mobilitada nascia in modu naturali po difèndiri a su paisagiu, a s'ambienti naturali e puru a su diritu a sa saludi - acrarat sa consillera regionali indipendentista - narat de nono a su fàbbricu de radar militaris i/o de sa Guardia de Finantza". "Custus radar - acrarat Zuncheddu - funt ponendiddus mudus mudus in logus po su prus avinculaus de interessu paisagisticu europeu e in arréula a regulamentus de amparu puru regionali e comunali. Acotzaus a is cumitaus chi lotant contr'a cust'àteru aciocu militari de su territóriu nostru".