Ambienti. Carlofortinus apensamentaus: “In citadi il malàdius tiróide funt su 40% de sa genti”

(IlMinuto) – Casteddu, 24 de su mes'e làmpadas - In Carluforti is malàdius de tiróide funt pagu prus de su 40 po centu de sa genti. Est cantu fait sciri su Cumitau "Carlofortini preoccupati" in d-unu comunicau de imprenta chi denuntziat s'acàpiu tra is patologias e s'impestadura industriali. "Eus pediu e sigheus a pediri is cuntrollus fattus de entis púbblicus, su Comunu invecis at cicau s'acotzu de un'Assótziu no profit. Scéti de calencuna cida - si ligit in su comunicau - funt bessius is arrisurtaus de su screening de prevenimentu […] fattu is su mes'e fiàrgiu de su 2011. Is datus chi besint a pillu, puru si imcumpletus, funt preocupantis meda. Po 62 personis cuntrolladas (tra scientis e traballadoris de s'iscola) 25 tenit un'alteratzioni a sa gràndula de sa tiróide, prus de su 40% de s'ammosta. In su screening fattu a sa genti de su logu, po 95 personis analizadas 36 tenit alteratzionis: su 36%". Su datori chi at fattu su screening – acrarat su comunicau - no escludit s'importàntzia chi tenit in totu custu s'impestadura, ma donat perou prus importu a s'aréntzia acapiada a custas patologias. No dda pensat aici Vincenzo Migaleddu de s'Assótziu "medici per l’Ambiente". Po Migaleddu - acrarat sa nota de imprenta - "S'acàpiu tra is disfuntzionis de sa tiróide e s'impestadura est mannu, difatis medas sustantzias toscas […]  traballant mabi asuba de su funtzionamentu de sa tiróide".