Assèmini rennovat s’acórdiu cun Equitalia. Fortza Paris: “Su Comunu no fait contu de is protestas”

(IlMinuto) – Casteddu, 2 de su mes'e làmpadas - S'arrempellada de is 10milla no fait cambiai bidea a s'amministratzioni de Assèmini. Su Comunu at difatis rennovau fintzas a sa fin'e s'annu su cuntratu cun Equitalia. Est cantu denunciat Fortza Paris Assèmini, cun d-una nota pubblicada in su blog uficiali. "Cun Decretu de su presidenti de su Consillu de is ministrus - si ligit in su scritu - est stetia donada a is entis de su territóriu sa possibbilidadi de prorogai fintzas a su 31 de su mes'e paschixèdda s'acórdiu cun Equitalia. Unu númeru de comunus sardus ant giai decidiu de fissai una gara púbblica po mudai custa música. Su comunu de Assèmini, no". "Si domandhaus - precisat Fortza Paris Assèmini - si is protestas e is lotas chi in custus úrtimus mesis prenint is pratzas e is pàginis de is giornalis siant lompias in su palatzu de su poderi asseminesu, sèmpiri prus ospítziu".