Eletzionis comunalis in Casteddu. Stochino e Corona (Fds): "Sa manca de centru unia bincit. Su Berlusconismu est spaciendi"

(IlMinuto) – Casteddu, 1 de su mes'e làmpadas - "Is arrisurtaus eletoralis de Casteddu, cun sa bitória de sa manca de centru e s'eletzioni a síndhigu de Casteddu de Massimo Zedda, faint biri ca puru in Sardigna su Belusconismu est spaciendi". Est cantu narant cun d-una nota de imprenta Laura Stochino, segretàriu regionali de su Prc, e Alessandro Corona, cordinadori de su Pdci in Sardigna, cummentendi sa bitória eletorali casteddaia. "Sa manca de centru candu si prensentat a is citadinus unia i a cuncordu - acrarant is duus rapresentantis de sa Fds - est bincidora e credìbili po is eletoris. Sa bitória bella de Casteddu est su cumintzu de unu caminu po torrai a donai sa vida a s'ísula nostra e marcat puru una furriada chi at a tenni arretumbus sérius asuba de su guvernu malu de sa Regioni, issu puru, est oramai in d-una fasi de decadèntzia manna".