Iscola: cras in Deximu Mannu nascit su cumitau contr'a irminorigamentu de is cursus de su merì

(IlMinuto) – Casteddu, 22 de su mes'e làmpadas - Fai unu cumitau de lota cun totu is iscolas superioris de sa Sardigna po nai de nono a sa morti de is cursus de su merì. Est custu s'obietivu de sa reunioni in programma cras a is 16.30 in s'Istitutu "Enrico Mattei" de Deximu Mannu. "De s'annu chi benit - si ligit in s'apellu fattu connosci de is maistus e de is istudiantis chi aprontant s'atóbiu - s'iant bolli liai is primus, is segundhas e is cuartas classis de is cursus de su merì. Aici de su 2013 no ddoi ant essi prus in is istututs superioris is cursus de su merì po is traballadoris e is traballadoras. Unu rispàrmiu asuba de is prus débilis! Chini ndi sunfrit de prus funt difatis is istudiantis chi iant ai bófiu acabai is iscolas mancai de mannus, pighendi sa decisioni de torrai a pigai is istudius".