Língua sarda: aprovau su Pranu triennali 2011-2013

(IlMinuto) – Casteddu, 2 de su mes'e làmpadas - Est nàsciu su Pranu nou 2011-2013 po sa "Promotzioni e avaloramentu de sa cultura e de sa língua de sa Sardigna". Su documentu est stetiu aprovau de sa Giunta regionali in sa setiziada de su 24 de su mes'e maju passau asuba de sa proposta de s'Assessori de sa Púbblica istrutzioni Sergio Milia. Su pranu triennali iat a podi essi sighiu luegus de una lei regionali noa asuba de sa política linguìstica. "S'esperiéntzia de dex'annus e prus de aplicatzioni de sa lei regionali n. 26 de su 1997 - at precisau s'assessori presentendi su pranu a sa Giunta - at fattu cresci s'abbisóngiu de unu istrumentu normativu nou chi ghiit a unu sboddicamentu prus profetosu de is políticas linguìsticas".