Macchiareddu. Fortza Paris Assèmini: "Arriscu saludi i ambienti no si resolvit cun d-unu libbureddu"

(IlMinuto) – Casteddu, 16 de su mes'e làmpadas - "Bideus sèmpiri peus sa pagu cuscéntzia de su síndhigu [...]. Si lassat a buca oberta sciri chi a fac'e is arriscus de fogu, de iscópiu e de nuis velenosas in Macchiareddu su primu pensu de su síndhigu est de fai unu libbureddu". Est cantu denunciat cun d-una nota de imprenta -   po su síndhigu de Assèmini Paolo Mereu - su Diretivu citadinu de Fortza Paris. "Comenti si podit chistionai de 'arriscus destruidoris asuba de sa saludi e asuba de s'ambienti' - precisat su Diretivu - po resòlviri agoa totu cun d-unu libbureddu de sa salvesa. Fortza Paris at nau a su síndhigu prus de una borta de valutai cun atentzioni is arriscus de s'area Macchiareddu, dimandendhi unu spricullitu asuba de su stadu de impestadura de s'area".