Militarizatzioni, aMpI: "Nùgoro nerat de nono a sa caserma de sa 'Brigata Sassari'"

(IlMinuto) – Casteddu, 27 de su mes'e làmpadas - "Pedeus a butegheris, artesanus, istudiantis, disimperaus e traballadoris de s'arrebellai a sa caserma, poita s'arrefudu de custa siat su spéddiu e s'isperu de podi sceberai comenti bivi". Cun custus fueddus aMpI torrat a ponni in sa mesa sa batalla contr'a su fàbbricu in Nùgoro de sa caserma de sa "Brigata Sassari" agoa de sa manifestada de su mes'e ledàminis de su 2010.
"Is casermas militaris - si ligit in sa nota de imprenta - no funt cantieris de traballu, ma funt basis po addestramentus de gherra chi agoa serbint a segai sa schina a àterus pópulus fradis, chi serbint a is interessus de sfrutadoris e speculeris. S'ecunumia nugoresa no at a cresci cun 250 militaris chi papant in sa mensa insoru e chi passant is diris de sa licéntzia a foras de sa citadi, ma crescit creendi traballu e frimmendi su spopulamentu". "Nùgoro - sighit sa nota - tenit bisóngiu de torrai a ponni in motu e de afortiai s'ecunumia traditzionali sua, forti e indipendenti poita est una citadi chi tenit s'abilétzias de offerrit prodotus de calidadi e únicus a su mundu […]".