Militarizatzioni. "Città Ciclabile": "Tocat a dd'acabbai cun is radas contr'a is furesteris"

(IlMinuto) – Casteddu, 16 de su mes'e làmpadas - Puru "Città Ciclabile Cagliari" narat de nono a su fàbbricu de is radar in Capo Sperone, Capo Pecora, Tresnuraghes e s'Argentiera. "S'Ísula nostra - si ligit in d-una de imprenta - giai sutaposta a avincus militaris grais, no podit poderai un'àteru pesu aici de tzerachia […]. Comenti citadinus de sa Sardigna, teneus su doveri puru de batacollai su sceberu de su fàbbricu de is radar comenti istrumentu po frimmai a is arribbus de is costeras de s'Africa de Tramuntana". "Nos - sighit sa nota - chi seus stetius  protagonistas de unu disterru de poberus in mesu mundu, no podeus scaresci e acetai de s'inserrai a fac'e su disisperu de chini arriscat sa vida e morrit in mari". S'assótziu espressat solidariedadi a is cumitaus, a is amministratzionis i a is citadinus chi lotant contr'a su fàbbricu de is aparécius. "Seus a su costau - precisat 'Città Ciclabile' - de cussus chi, cun dignidadi e in s'arrespetu de sa democràtzia, espressant totu su disacórdiu insoru".