"Morti lenta de is ispidalis de S'Alighera. Cumitau Difesa Sanidadi Aligheresa scririt a Liori

(IlMinuto) – Casteddu, 29 de su mes'e làmpadas - "Is ispidalis de S'Alighera funt morrendi a pagu a pagu, e teneus sa timória chi is serbítzius malus de oi siant su primu passu de un'agunia longa chi at a portai a sa serradura (de is istruturas, ndr), praneta chepari a cussa de is Ispidalis de Onòrva, Itiri Cannedu e Tièsi ". Est cantu narat cun d-una lítara oberta - po s'assessori regionali de sa Sanidadi, Antonello Liori - su Cumitau a Difesa de sa Sanidadi Aligheresa e su Comitau Po s'Ispidali Nou. Su documentu denuntziat - tra is àteras cosas - unu tardamentu mannu in su fàbricu de su repartu de terapia intensiva e is supressionis de is barrieras architetonicas. "Unu puntu de fortza de s'oferta turistica - precisat sa lítara - est rapresentau de is serbítzius de s'ispidali, chi si no benint fattus ant a fai unu dannu mannu a s'ecunumia de su territóriu".