Pranu po su traballu. Corona (Pdci): "200 millionis in cuatr'annus funt una miserentzia"

(IlMinuto) – Casteddu, 10 de su mes'e làmpadas - 200 millionis in cuatr'annus. 11 interventus po is giòvanus, po is féminas, po su traballu in su territóriu, po ativai políticas po pigai traballadoris cun ammortitzadoris socialis. In pagus fueddus est custu, su chi previdit su pranu po su traballu aprovau de sa Giunta regionali in sa setziada de su primu de su mes'e làmpadas. Su pranu - chi est stetiu insertau in su "collegato" a sa finantziaria a s'esàmu de su Consillu regionali - est giudicau "scassu" de su "Partito dei Comunisti italiani". "Est previdia - precisat su cordinadori regionali de su Pdci Alessandro Corona - sa miserentzia de 200 millionis de eurus in cuatr'annus, e totu custu senz'e sa  eguresa de tenni su dinai. Custas solutzionis […] no funt po nudda bastantis a frimmai sa crisi sarda".