"S'àcua est de totus" in Punla informatzioni e ispetàculus a una cida de is referendum

(IlMinuto) – Casteddu, 2 de su mes'e làmpadas - Giogus e giocaglieris, informatzioni e ispetàculus in pratza po ammentai ca s'àcua est unu diritu e no est una cosa de bendi. Domínigu chi benit in Pula - primu de is referendum de 12 e de 13 de làmpadas - s'at a tenni sa manifestada "L’acqua è di tutti".

S'apuntamentu est po is 10.00 in pratza de su Pópulu aundi, fintzas a is 13.00, artistas, assótzius e imprendidoris ant a cumbidai a sa genti de su logu de calisisiat edadi a meditai impari asuba de su beni ídricu comenti - precisant is aprontadoris de su cumitau referendàriu "2 SI per l’acqua bene comune" - "beni primàriu de amparai puru atressu de sa gestioni púbblica sua, una gestioni bona "partecipata" e cuntrollada de is citadinus". In sa manifestada ant essi fattas connosci puru unas cantu de esperiéntzias chi benint de su mundu de su traballu: sa coperativa "Santa Margherita" at a fai biri is ténnicas de rispàrmiu ídricu in sa massaria.