Traballu: Assessori Cordeddu: "De sa Regioni mudesa asuba de sa stabilizatzioni de is precàrius Csl e Cesil"

(IlMinuto) – Casteddu, 28 de su mes'e làmpadas - In Sardigna centenas de traballadoris de is serbítzius po su traballu (Csl e Cesil) sighint a essi precàrius de annus meda. Ddu denutziat una nota de imprenta, apensamentada meda, fatta connosci in is diris passadas de is Provìntzias sardas e de s'Ups. "Is otu Provìntzias sardas - precisat s'assessori a su Traballu de sa Provìntzia de Casteddu, Lorena Cordeddu - tenit apensamentu ma po sa mudesa de sa Regioni asuba de sa proposta de stabilizatzioni presentada de is Provìntzias, cun totu chi funt stetias diversas is lamadas e chi sa scadétzia de is cuntratus de is traballadoris est acanta meda, difatis est previdia po su 31 de su mes'e Austu chi benit". "Torraus a domandai - precisat Cordeddu - chi s'assessorau regionali a su Traballu declarit, debressi, cali siat s'orientamentu a fac'e sa proposta presentada de is Provìntzias".