Ferruvias, aMpI: "Cunditzionis disastrosas po chini viagiat"

(IlMinuto) – Casteddu, 25 de su mesi de argiolas - Auséntzia de puntualidadi, cursas liadas chene de ddu nai in antítzipu, auséntzia de scedas, auséntzia de ària frisca in s'istadi e de ària callenti in s'ierru. Funt custas is cunditzionis mabas de viàgiu chi agatat in is trenus sa genti sarda. Ddu denuntziat cun d-una nota de imprenta su Diretivu Política Natzionali de a Manca pro s'Indipendentzia. "De cidas meda - precisat su comunicau - seus custrintus a patiri sa serradura arrepenti de is portellitus innoi si pigant is billetus in sa statzioni de Casteddu, tzitadi de innoi tucant is duus tretus ferruviarius prus importantis de s'ísula [...]. Una bera e própria guta si pentzaus a Casteddu comenti sa tzitadi prus importanti de sa natzioni sarda". Comenti acrarai "su frazellu de is trasportus" e po su prus de su sistema ferruviariu sardu? "Su blocu totali de sa 'mobilità' in s'ísula nostra - narat aMpI - no est fillu de su bentu o de strobus temporàneus, ma de unu disapegu de Trenitalia po is collegamentus sardus, poita sa Sardìnnia est scéti una terra de pagu importu innoi no tocat fincai nimancu unu soddu"