Indipendentismu: nascit Manca Democràtica

(IlMinuto) – Casteddu, 25 de su mesi de argiolas - De su 22 de su mesi de argiolas s'arcipèlagu de s'indipendentismu sardu tenit un'ísula noa: Manca Democràtica. Su movimentu políticu - si ligit in su giassu www.mancademocratica.eu - fueddat de sei comenti de un'"organizatzioni política sarda, de manca e democràtica chi atressu de s'aina de sa paxi bollit lompi a s'indipendetzia de sa natzioni po fabricai sa Repúbrica de Sardìnnia". Presidenti de Md est Francesco Zancudi, segretària est invecis Sara Farris. Po s'organizatzioni indipendentista S'Unioni europea - si ligit in su manifestu políticu - est "sa domu comuna de is pópulus de su continenti", de fabricai comenti "federatzioni democràtica de is natzionis de Europa".