Nas ‘serrant’ domu aundi biviant noi disàbilis a conca. In Tàtari nacit su cumitau “A casa mia”

(IlMinuto) – Casteddu, 15 de su mes'e argiolas - "Agiudai su diritu de is personis cun maladias a conca". Nascit cun custu obietivu su cumitau "A casa mia" presentau oi a s'Universidadi de Tàtari in d-unu dibàtidu cun sa participatzioni de Gisella Trincas, presidenti de s'Unioni natzionaliassótzius po sa Saludi mentali, e de sa sociologa Maria Grazia Giannicchedda, maista univerisitaria e presidenti de sa Fondatzioni Basaglia. Su progetu nascit comenti reatzioni a sa serradura fatta de is carabineris de is Nas de duus domus aundi biviant cincu féminas e cuatru óminis cun maladias a conca. Personis - si ligit in d-una nota - "Chi funt stetias portadas, a sa marolla, in is istruturas sanitàris de sa Asl chi s'agatant aintru de s'ex ispidali psichiatricu de Rizzeddu". "Custas creaturas - denuntziat - furiant sighias cun regularidadi de su centru de saludi mentali, chi iat agiudau custu camminu insoru de vida autónoma, e teniat s'assistu de una coperativa sotziali dónnia diri".